सीसीआई कपास खरेदी: स्लॉट बुकिंग समय बढ़ाने और सरल बनाने की मांग किसान

वाशिम जिल्ह्यात सीसीआयमार्फत शेतकऱ्यांचा कापूस हमीभावाने खरेदी करण्यासाठी शासकीय खरेदी केंद्रे सुरू करण्यात आली आहेत. मात्र ‘कपास किसान’ मोबाईल अ‍ॅपद्वारे करावी लागणारी नोंदणी आणि अत्यल्प वेळेत होणारे स्लॉट बुकिंग यामुळे अनेक शेतकरी कापूस विक्रीपासून वंचित राहत लागतं आहे. मानोरा तालुक्यात सीसीआयचे कापूस खरेदी केंद्र मंजूर झाले असले तरी कापूस विक्रीसाठी अ‍ॅपवर नोंदणी बंधनकारक आहे. मात्र अनेक शेतकऱ्यांकडे स्मार्टफोन नसणे किंवा अ‍ॅप वापरण्याचे पुरेसे ज्ञान नसल्यामुळे नोंदणी करताना अडचणी येत आहेत. त्यातच दर शनिवारी केवळ पाच मिनिटांसाठीच स्लॉट बुकिंग उपलब्ध करून दिले जात असल्याने अनेक शेतकरी स्लॉट मिळवू शकत नाहीत. परिणामी शेतकऱ्यांचा कापूस घरातच पडून असून,सीसीआयकडून खरेदी न झाल्यास हमीभाव व भाव फरकाच्या लाभापासून वंचित राहण्याची भीती व्यक्त केली जातअसल्यामुळे स्लॉट बुकिंगसाठी दिलेला वेळ वाढवावा आणि प्रक्रिया अधिक सुलभ करावी,अशी मागणी कापूस शेतकऱ्यांकडून करण्यात येत आहे.