शिवसेना का बालसंवर्धन शिबिर करजात 25–28 दिसंबर: बच्चों में आत्मविश्वास बढ़े

मुलांना स्वावलंबी बनविण्यासाठी शिवसेनेच्यावतीने बालसंवर्धन शिबिराचे आयोजन कर्जत येथे झाले असून कल्याण शिवसेना शहर शाखेच्या वतीने गेल्या १४ वर्षांपासून लहान मुलांकरिता घेण्यात येत असलेल्या शिबिरासाठी विद्यार्थ्यांच्या बसेसला भगवा झेंडा दाखवून रवाना करण्यात आले. या शिबिराचे आयोजन २५ ते २८ डिसेंबर दरम्यान करजात येथील जामरुंग येथे करण्यात आले आहे. या शिबिरात ८ ते १२ वयोगटातील विद्यार्थी विद्यार्थिनींना प्रवेश देण्यात येतो. या शिबिराच्या माध्यमातून विद्यार्थ्यांना स्वावलंबी जीवन जगणे, तंबूत राहून निसर्गाचा आनंद घेणे, एअरगनने नेमबाजी, पदभ्रमण, घोडेस्वारी, पक्षीनिरीक्षण, कवायत, जंगल भ्रमंती, सायंकाळी प्रार्थना, कथाकथन, अंताक्षरी, शेकोटी आदी भरगच्च कार्यक्रम घेण्यात येतात. या बलसंवर्धन शिबिरामुळे विद्यार्थ्यांना स्वावलंबी जीवन जगण्यासाठी आत्मविश्वास मिळत असल्याची माहिती यावेळी शहरप्रमुख रवि पाटील यांनी दिली.