KDMC election: Mahayuti possible as Shiv Sena-BJP meet intensifies

केडीएमसी निवडणुकीत महायु़ती होण्याचे सकәंत? शिवसेना भाजप जागावाटपाबाबत बैठका सुरू.. सकारात्मक बैठका, दोन दिवसात निर्णय होणार. कल्याण डोंबिवलीमध्ये भाजपा आणि शिंदेमध्ये अनेक दिवसांपासून फोडाफोडीचे राजकारण सुरू होते तर अंबरनाथ, बद्लापूरमध्ये नगरपरिषद निवडणुकीमध्ये सेना भाजपा एक मेकांना विरोधात निवडणुका लढवल्या मात्र कल्याण–डोंबिवली महानगरपालिका निवडणुकीच्या पार्श्वभूमीवर महायुती होण्याचे स्पष्ट संकेत मिळत आहेत. शिवसेना शिंदे गट आणि भाजप यांच्यामध्ये जागावाटपाबाबत चर्चा अंतिम टप्प्यात असून यासाठी सलग बैठका सुरू आहेत. महायुतीतील जागावाटपाबाबत सकारात्मक वातावरण असल्याची माहिती शिवसेनेचे आमदार राजेश मोरे यांनी दिली. दोन्ही पक्षांमध्ये समन्वयाने चर्चा सुरू असून जागावाटपाबाबत सकारात्मक निर्णय होईल. येत्या दोन दिवसांत याबाबत ठोस निर्णय जाहीर होण्याची शक्यता आहे, असे आमदार मोरे यांनी सांगितले. केडीएमसी निवडणुकीत महायुती एकत्र लढल्यास विरोधकांसमोर मोठे आव्हान उभे राहणार असल्याचे राजकीय विश्लेषकांचे मत आहे. भाजप आणि शिवसेना दोन्ही पक्षांनी आधीच संघटनात्मक पातळीवर तयारी सुरू केली असून प्रभागनिहाय आढावा, इच्छुक उमेदवारांच्या मुलाखती आणि रणनीती आखण्यावर भर दिला जात आहे.