कल्याण पूर्व के सत्यम डांसबार पर बार-बार तोड़फोड़, मालिक बोले ब्लैकमेलर का दबाव

कल्याण पूर्वेतील सत्यम उर्फ गणेश भुवन डान्सबार पुन्हा वादाच्या भोवऱ्यात सापडला आहे. हा बार शासकीय जागेत असल्याने गेल्या दीड वर्षात या बारवर दोन वेळा कारवाई झाली होती मात्र हा बार पुन्हा एकदा सुरू झाला. आज पुन्हा तहसीलदाराचे पथक प्रचंड पोलीस फौज फाट्यासह घटनास्थळी दाखल झाले आणि या बार वर तोडक कारवाई केली. तहसीलदारांच्या पथकाच्या या कारवाईला बार चालकासह बारमधील कर्मचाऱ्यांनी जोरदार विरोध केला. जेसीबीच्या खालीच बारचे कर्मचारी व चालक बसून राहिले. त्यामुळे कारवाईला काही काळ अडथळा निर्माण झाला. अखेर तहसीलदारांच्या पथकाने पोलीस फौजफाटा मागवून ही कारवाई पुन्हा एकदा सुरू केली. यावेळी बार चालकाने तहसीलदारांचे पथक ही कारवाई आकस बुद्धीने करत आहे प्रत्यक्षात ही शासकीय जमीन असेल तर येथील संपूर्ण परिसर शासकीय जमिनीवर वसलेला आहे मात्र कारवाई फक्त आमच्याच बार वर सातत्याने होते. आम्ही सगळे टॅक्स भरतोय, आमच्याकडे कायदेशीर परवानगी आहे मात्र केवळ आणि केवळ काही ब्लॅकमेलरची पैशांची मागणी आम्ही पूर्ण केले नाही त्यांनी शासकीय अधिकाऱ्यांना हाताशी धरून आकस बुद्धीनेच हे कारवाई सुरू असल्याचा आरोप केला.