कल्याण-डोंबिवली महापालिका के 122 निर्वाचन क्षेत्र: 2025-26 के आरक्षण की सूची घोषित

कल्याण-डोंबिवली महापालिका निवडणूक 2025-2026 साठी 122 प्रभागांसाठी आरक्षण सोडत जाहीर. 17 नोव्हेंबर ते 24 नोव्हेंबर रोजी हरकती सूचना.. 2 डिसेंबर रोजी अंतिम आरक्षण जाहीर. कल्याण-डोंबिवली महानगरपालिकेच्या 2025-2026 च्या सार्वत्रिक निवडणुकीसाठीची प्रभाग आरक्षण सोडत आज कल्याण येथील आचार्य अत्रे रंगमंदिरात पार पडली. एकूण 122 सदस्यीय प्रभागांसाठी ही सोडत काढण्यात आली असून, विविध प्रवर्गांनुसार आरक्षणाचे वाटप करण्यात आले आहे. या सोडतीनंतर कल्याण-डोंबिवली महानगरपालिकेतील राजकीय वातावरण चांगलेच तापण्याची शक्यता आहे. विविध पक्षांचे स्थानिक नेते आणि संभाव्य उमेदवार आता आपापल्या प्रभागांच्या आरक्षणानुसार तयारीला लागले आहेत. नगरपालिका निवडणुका 2025-26 साठी ही आरक्षण सोडत निर्णायक मानली जात असून, महिला उमेदवारांसाठी यावेळी मोठ्या प्रमाणावर संधी निर्माण झाल्या आहेत. आचार्य अत्रे नाट्यगृहात झालेल्या या सोडतीसाठी राजकीय पक्षांचे पदाधिकारी, संभाव्य उमेदवार आणि नागरिकांची मोठी उपस्थिती होती. *या सोडतीदरम्यान चार सदस्यीय 29 प्रभाग आणि तीन सदस्यीय 2 प्रभाग अशा एकूण 31 प्रभागांमध्ये आरक्षण प्रक्रिया राबविण्यात आली. प्रवर्गानुसार आरक्षण अनुसूचित जाती (SC): 12 प्रभाग त्यापैकी 6 प्रभाग महिलांसाठी आरक्षित; अनुसूचित जमाती (ST): 3 प्रभाग त्यापैकी 2 प्रभाग महिलांसाठी आरक्षित; इतर मागासवर्गीय (OBC): 38 प्रभाग त्यापैकी 16 प्रभाग महिलांसाठी आरक्षित; सर्वसाधारण प्रवर्ग: 75 प्रभाग त्यापैकी 38 प्रभाग महिलांसाठी राखीव