कल्याण पूर्वे के शंभर फुट रोड पर कट से भिड़ंत, दो घायल, यातायात ठप

कल्याण पूर्वेत गाडीला कट लागल्याने राडा,दोन जखमी.. कल्याण पूर्वेतील शंभर फूट रोड परिसरात गाडीला कट लागल्याच्या कारणावरून दोन गटांमध्ये भर रस्त्यात तुफान हाणामारी झाल्याची घटना घडली. या प्रकारामुळे परिसरात काही काळ तणावाचे वातावरण निर्माण झाले होते. रस्त्यावरून जात असतांना दोन वाहनचालकांमध्ये कट लागल्यावरून सुरुवातीला शाब्दिक वाद झाला. वादाचे रूपांतर काही वेळातच हाणामारीत झाले. दोन्ही बाजूंनी समर्थक जमा झाल्याने परिस्थिती अधिकच चिघळली. भर रस्त्यात झालेल्या झटापटीमुळे वाहतुकीवर परिणाम झाला आणि शंभर फूट रोडवरील वाहतूक सुमारे अर्धा तास ठप्प झाली होती. या झटापटीत दोघे जखमी झाले असून त्यांना उपचारासाठी जवळच्या रुग्णालयात दाखल करण्यात आले आहे. दरम्यान, भांडण सोडवण्यासाठी घटनास्थळाच्या दाखल झाल्या पोलिसांनाही धक्काबुक्की झाली परिस्थिती नियंत्रणात आणताना एका पोलीस कर्मचाऱ्याचा रक्तदाब वाढल्याने त्यांना देखील उपचारासाठी रुग्णालयात हलवण्यात आले.या प्रकरणी कोळसेवाडी पोलिसांनी दोन्ही लोकांनावर गुन्हा दाखल केला आहे。