तुकाराम बाबा महाराज का अल्टीमेटम: 1 जनवरी से स्पष्ट नहीं तो सरकारी कार्यालय ठप्प

स्लग - नव्याने मुख्यमंत्री युवा कार्य प्रशिक्षणार्थी योजना सुरू करू नका, अन्यथा सरकारी कार्यालयांना टाळे ठोकू - तुकारामबाबा महाराजांचा इशारा.. राज्य सरकारची मुख्यमंत्री युवा कार्य प्रशिक्षणार्थी योजना राज्यात बेरोजगार निर्माण करणारी फॅक्टरी असल्याचा आरोप करत राज्य सरकारकडून पुन्हा नव्याने प्रशिक्षणार्थी योजना सुरू नये, अन्यथा १ जानेवारी पासून सरकारी कार्यालयांना टाळे ठोकू, असा इशारा महाराष्ट्र युवा प्रशिक्षणार्थी संघटनेचे प्रमुख तुकाराम बाबा महाराजांनी दिला आहे. राज्य सरकारने १ जानेवारी पासून नव्याने प्रशिक्षणार्थी योजना सुरू करण्याची घोषणा केली आहे. मात्र आधीच्या सव्वा लाख प्रशिक्षणार्थ्यांचा कालावधी संपुन गेला आहे, त्याबद्दल धोरण काय आहे, असा सवाल करत जो पर्यंत आधीच्या प्रशिक्षणार्थ्यांच्या बाबतीत सरकार स्पष्ट सांगत नाही तोपर्यंत राज्यातल्या नव्याने प्रशिक्षणार्थी योजना सुरू होऊ देणार नाही प्रसंगी बेमुदत उपोषण आणि एक जानेवारीपासून संबंधित कार्यालयांना टाळे ठोकू असा इशारा प्रशिक्षणार्थ्यांसह तुकाराम बाबा महाराजांनी दिला आहे, ते सांगलीमध्ये आयोजित पत्रकार परिषदेत बोलत होते.