छत्रपती संभाजीनगर शहरातील चिकलठाणा येथील सुखना नदीपात्राजवळ उभारण्यात आलेला अनधिकृत कत्तलखाना महापालिकेच्या अतिक्रमण हटाव पथकाने भुईसपाट केला. मनपा व पोलिसांनी गुरुवारी कत्तलखान्यावर कारवाई करीत मांस जप्त करून मालक गफ्फार कुरेशीवर गुन्हा दाखल केला. पोलिसांनी विनंती करताच दुसऱ्याच दिवशी मनपाने हा अनधिकृत कत्तलखाना जमीनदोस्त केला. यावेळी मनपा सुरक्षारक्षक आणि पोलिसांचा बंदोबस्त होता.