Shirur Nagarapalika Chunav: MLA Katke Par Dabav Ke Aaroop, Pawar Gutt Ne Shikayat Ki

शिरूर मतदान केंद्रात आजी-माजी आमदारांची शाब्दिक बाचाबाची शिरूर नगरपरिषद निवडणुकीदरम्यान विद्यमान आमदार ज्ञानेश्वर कटके यांनी अनेक मतदान केंद्रांना भेटी देऊन दबाव तंत्र वापरल्याचा आरोप शरदचंद्र पवार गटाचे माजी आमदार अशोक पवार यांनी केला आहे. मतदार नसताना मतदान केंद्रात जाणे हे आचारसंहितेचे उल्लंघन असून, संविधानिक पदावर असले तरी ते अयोग्य असल्याचे पवार म्हणाले. आमदार कटके दिवसभर अनेक केंद्रांवर गेले आणि कार्यकर्त्यांवर दबाव टाकला, असा आरोप करत 'लोकप्रतिनिधी आहात, कायद्याने वागा' असे म्हणत पवार आक्रमक झाले. यावेळी निवडणुकी आयोगाकडे तक्रार करणार, कारवाईची मागणी केली. शिरूर नगरपरिषद निवडणुकीत माजी आमदार अशोक पवार यांचा पराभव दिसत असल्याने त्यांचे मानसिक संतुलन बिघडले असल्याचा आरोप विद्यमान आमदार माऊली कटके यांनी केला आहे. निवडणुकीत अपेक्षित प्रतिसाद न मिळाल्याने 'पायाखालची वाळू सरकली का?' असे म्हणत पवार आक्रमक झाल्याचे कटके म्हणाले. माझ्याबद्दल काही तक्रारी असल्यास संबंधित अधिकाऱ्यांकडे कराव्यात, अशोक पवार यांनी राजकारणातून अलिप्त व्हावे आणि निवृत्ती घ्यावी, असा सल्ला आमदार ज्ञानेश्वर कटके यांनी माजी आमदार अशोक बापू पवार यांना दिला आहे.