शिवाजी महाराज की 396वीं जयंती पर शिवसृष्टी कारंज का लोकार्पण

महाराष्ट्राचे आराध्य दैवत व युगप्रवर्तक छत्रपती शिवाजी महाराज यांच्या 396 व्या जयंतीनिमित्त येवला येथील शिवसृष्टी प्रकल्पात विविध सांस्कृतिक कार्यक्रम उत्साहात पार पडले. या वेळी राज्याचे अन्न, नागरी पुरवठा व ग्राहक संरक्षण मंत्री छगन भुजबळ यांच्या हस्ते शिवसृष्टी प्रकल्पातील नयनरम्य कारंजाचे लोकार्पण करण्यात आले. या सोहळ्याला माजी खासदार समीर भुजबळ, डॉ. शेफाली भुजबळ यांची प्रमुख उपस्थिती होती. आंतरराष्ट्रीय कीर्तीचे युवा शाहीर रामानंद उगले व त्यांच्या सहकाऱ्यांनी सादर केलेल्या दमदार पोवाड्यांमधून शिवरायांचा जाज्वल्य इतिहास, अद्वितीय शौर्य, रणनिती, पराक्रम आणि हिंदवी स्वराज्य स्थापनेचा प्रेरणादायी प्रवास अत्यंत प्रभावीपणे उलगडून दाखवला.