नागपुर पुलिस ने यूपी से लाए गए देशी पिस्तुले के खरीद-फरोख्त का भंडाफोड़, 4 गिरफ्तार

नागपूर - शस्त्रतस्करीचा मोठा भंडाफोड करण्यात नागपूर शहर गुन्हे शाखाच्या घरफोडी विरोधी पथकाला यश आलं आहे. उत्तर प्रदेशातून देशी बनावटीची पिस्तुले आणून त्यांची विक्री करण्याचा डाव पोलिसांनी उधळून लावला. या प्रकरणात शुभम जंगले, सागर चौधरी, श्रेयस यादव आणि वंश सिन्हा या चार आरोपींना अटक करण्यात आली आहे. आरोपींकडून दोन देशी पिस्तुले, चार मॅगझिन आणि तब्बल ३४ जिवंत काडतुसे जप्त करण्यात आली आहेत. शिवशंभूनगर परिसरातील सराईत गुन्हेगाराकडे शस्त्र असल्याची माहिती मिळताच पोलिसांनी धाड टाकली आणि तपासाची साखळी पुढे नेत संपूर्ण टोळीचा पर्दाफाश केला. मुख्य आरोपीने प्रत्येकी ३५ हजार रुपयांना पिस्तुले खरेदी करून नफ्यासाठी विक्रीचा प्रयत्न केल्याचे तपासात उघड झाले आहे. चारही आरोपींविरुद्ध अर्म्स अॅक्ट आणि महाराष्ट्र पोलिस अॅक्टन्वये गुन्हा दाखल करण्यात आला असून पुढील तपास सुरू आहे.