पुणे–इंदोर मार्ग पर भारी जाम, वैकल्पिक बायपास और ट्रैफिक व्यवस्था सुधार की मांग तेज

पुणे–इंदोर राष्ट्रीय महामार्ग येवला शहरातून जात असल्याने गेल्या अनेक महिन्यांपासून शहरात तीव्र वाहतूक कोंडी होत आहे. अवजड वाहने, खासगी बस, ट्रक व स्थानिक वाहतूक एकाच मार्गावरून जात असल्याने परिस्थिती बिकट झाली आहे. विंचूर चौफुली व फत्तेबुरुज नाका येथे तासन्‌तास वाहतूक ठप्प राहत असून रुग्णवाहिका व अत्यावश्यक सेवांनाही अडथळे येत आहेत. या कोंडीमुळे अपघातांत जीवितहानी झाली असून व्यापार, दैनंदिन कामकाज व विद्यार्थ्यांनाही फटका बसत आहे. त्यामुळे पुणे–इंदोर महामार्गासाठी त्वरित पर्यायी बायपास मंजूर करून काम सुरू करावे व शहरातील वाहतूक नियोजनात सुधारणा करावी, अशी जोरदार मागणी नागरिकांकडून होत आहे.