नाशिक विधानसभा चुनाव: शिवसेना उबाठा गट स्वबळ बनाम धन-जन शक्ति की जंग

नगरपरिषदेच्या निवडणुकीच्या रणधुमाळी दिसून येत आहे. या मध्ये शिवसेना उबाठा गटाकडून या निवडणुकीत नाशिक जिल्ह्यात एक जागा वगळता इतर ठिकाणी स्वबळाचा नारा देण्यात आला आहे. तर ज्या ठिकाणी शक्य आहे त्या ठिकाणी मनसे आमच्या सोबत असून मनसैनिक आम्हाला मदत करत असल्याचे शिवसेना उबाठा गटाचे जिल्हाध्यक्ष डी.जी. सूर्यवंशी यांनी म्हटले आहे. तर ही निवडणूक धन शक्ती विरुद्ध जण शक्ती असून जनता आमच्या सोबत असल्याचा विश्वास देखील त्यांनी यावेळी व्यक्त केला आहे. प्रत्येक तालुका आणि नगरपालिकेची स्थानिक परिस्थिती वेगळी असून, जिथे जिथे शक्य तिथे आम्ही लढत आहोत, संघर्ष करत आहोत. ही निवडणूक म्हणजे धन शक्ती विरुद्ध जण शक्ती अशी आहे. सत्ताधारी पक्षातील धनुषबान, कमळ आणि घड्याळ समोरासमोर लढत आहे, प्रत्येकासाठी ही प्रत्येकाच्या वर्चस्वाची लढाई दिसत आहे, तर दुसरीकडे मात्र जनता शंभर टक्के आमच्या सोबत आहे. तर सिन्नर ओझर, भगूर, मनमाड येथे आम्ही स्वबळावर लढत असून, इगतपुरी येथे मात्र महाविका आघाडी मध्ये काँग्रेस, राष्ट्रवादी सोबत लढत आल्याचे देखील यावेळी शिवसेना उबाठा गटाचे जिल्हाध्यक्ष यांनी स्पष्ट केले.