साइबर अपराधियों ने पांच लोगों को दो करोड़ से अधिक ठगा: शेयर ट्रेडिंग में छलावा

सायबर गुन्हेगारांनी पाचजणांना घातला दोन कोटी १६ लाखांचा गंडा.... ऑनलाइन शेअर ट्रेडिंगमध्ये दामदुप्पट नफ्याचे आमिष.... अँकर शेअर ट्रेडिंगमध्ये गुंतवणूक करण्यावर दामदुप्पट नफ्याचे आमिष दाखवून पाच जणांना दोन कोटी रुपयांना गंडा घातल्याचा धक्कादायक प्रकार उघडकीस आला आहे. याप्रकरणी शहर सायबर पोलिस ठाण्यात अज्ञात संशयितांविरुद्ध फसवणुकीचा गुन्हा दाखल करण्यात आला आहे. नाशिक शहरात राहणारे तीन नोकरदार, एक व्यावसायिक आणि एका गृहिणीला व्हॉट्सअप क्रमांकावर संपर्क साधून मेसेजेस पाठवून शेअर मार्केट ब्रोकर असल्याचे भासविले. ऑनलाइन शेअर मार्केट ट्रेडिंग मध्ये गुंतवणुकीवर जास्त परतावा मिळवून देण्याचे आमिष दाखविले. विश्वास संपादन केल्यानंतर वेगवेगळ्या प्रकारे प्रत्येकाने ४० हजारांपेक्षा जास्त रकमेची गुंतवणूक केली. गुंतवणुकीवर कुठल्याही प्रकारचा परतावा संबंधितांकडून दिला गेला नाही. बैंक खात्यांमध्ये रक्कम वर्ग करण्यास भाग पाडले. २ कोटी १६ लाख ४ हजार ७५० रुपयांचा अपहार केल्याचे तक्रारीत म्हटले आहे. या तक्रारीवरून सायबर पोलिसांनी बँक खातेधारकांसह व्हॉट्सअप वर ज्या सीम कार्ड क्रमांकांवरून संपर्क साधण्यात आला ते सीम कार्डधारकांवर फसवणुकीचा गुन्हा दाखल करण्यात आला आहे.