वीज तारों के स्पर्श से गेहूं की फसल जल कर राख, 1.5 एकड़ नुकसान

छत्रपती संभाजीनगर :वीज तारांच्या घर्षणामुळे गहू पिकाला भीषण आग,दीड एकर गहू पीक गळून खाक अँकर :छत्रपती संभाजीनगरच्या पैठण तालुक्यातील कोळी बोडखा शिवारात वीज तारेच्या घर्षणामुळे भीषण आग लागून शेतकऱ्याचे उभे गहू पीक जळून खाक झाले आहे. काढणीच्या तोंडावर आलेले तब्बल दीड एकर गहू या आगीत राख झाल्याने शेतकऱ्याचे मोठे आर्थिक नुकसान झाले आहे. केकत जळगाव येथील शेतकरी कारभारी भिमराव बढे यांची कोळी बोडखा शिवारात शेती असून त्यातील गव्हाच्या शेतात दुपारी तीन वाजेच्या सुमारास वीज तारेचा घर्षण होऊन ठिणगी पडली आणि काही क्षणातच शेतात आग भडकली. परिसरातील शेतकरी तात्काळ घटनास्थळी धावून येत आग विझवण्याचा प्रयत्न केला, मात्र तोपर्यंत संपूर्ण पीक जळून खाक झाले होते. या आगीत लाखो रुपयांचे नुकसान झाल्याचा अंदाज व्यक्त केला जात असून संबंधित विभागाने तात्काळ पंचनामा करून नुकसानभरपाई द्यावी, अशी मागणी शेतकऱ्यांकडून करण्यात येत आहे. तसेच भविष्यात अशा घटना टाळण्यासाठी वीज तारा आणि यंत्रणेची दुरुस्ती करण्याची मागणीही जोर धरू लागली आहे. बाईट :शेतकरी