आज से संभाजीनगर में अतिक्रमण हटाव अभियान; 100 कर्मचारी, 150 पुलिस जुटे

छत्रपती संभाजीनगर : आजपासून संभाजीनगरमध्ये पुन्हा रस्ता अतिक्रमण हटाव मोहीम छत्रपती संभाजीनगर मधील पैठण गेट परिसरात आजपासून रस्ता रुंदीकरणासाठी अतिक्रमण हटाव कारवाईला सुरुवात करण्यात येणार आहे. नगररचना विभागाने टोटल स्टेशन सर्वेक्षण करून बाधित मालमत्ताधारकांना नोटिसा बजावल्या तसेच अतिक्रमणे काढण्यासाठी विनंती केली. बहुतेक नागरिकांनी अतिक्रमण काढले असून उर्वरित सुमारे 110 अतिक्रमणे मनपाच्या पथकांकडून काढण्यात येणार आहेत. सकाळी दहापासून ही कारवाई सुरू होणार आहे. मंगळवारी अतिक्रमण विभागप्रमुख संतोष वाहुळे, झोन दोनचे सहायक आयुक्त रमेश मोरे आणि अतिक्रमण विभागाचे सहायक आयुक्त संजय सुरडकर यांनी मार्किंग केलेल्या मालमत्तांची पाहणी केली. मालमत्ताधारकांना साहित्य हटवण्याच्या सूचना दिल्या. ध्वनिक्षेपकावरूनही आवाहन केले. या कारवाईसाठी 10 जेसीबी, 10 टिप्पर, 2 पोकलेन यांचा वापर करण्यात येणार आहे. मनपाचे 100 कर्मचारी आणि 150 पोलिस कारवाईत सहभागी होतील. प्रत्येकी 2 रुग्णवाहिका, अग्निशमन बंब तैनात करण्यात येणार आहेत.