चंद्रपुर कैंसर अस्पताल उद्घाटन पर जोरगेवार बनाम मुंगंटीवार में नया संघर्ष; भागवत कार्यक्रम रद्द पर बहस

चंद्रपुरातील कॅन्सर हॉस्पिटल लोकार्पणाच्या मुद्यावर आ. जोरगेवार यांनी दिलेल्या पत्रावरून जोरगेवार विरुद्ध मुनगंटीवार नवा संघर्ष पेटलाय. चंद्रपूर येथे आज राष्ट्रीय स्वयंसेवक संघाचे सरसंघचालक डॉ. मोहन भागवत यांच्या हस्ते झालेल्या कार्यक्रमाला चंद्रपूरचे भाजप आमदार किशोर जोरगेवार यांनी आक्षेप घेतला होता. रुग्णालयात अत्यावश्यक सोयींची कमतरता लक्षात घेता हे उद्घाटन कितपत संयुक्तिक होईल असा सवाल त्यांनी उपस्थित केला होता. जिल्हाधिकारी यांना लिहिलेल्या पत्रात जोरगेवार यांनी पाणीपुरवठा, मनुष्यबळ आणि इतर सुविधांबाबत प्रश्न उपस्थित केले होते. या सर्व गोष्टी उपलब्ध झाल्याशिवाय रुग्णालय सुरू करणे म्हणजे रुग्णांच्या जीवाशी खेळणे होईल असं म्हणत जोरगेवारांनी हे رुग्णालय सुरू करणे योग्य होणार नाही अशी पत्रात मागणी केली होती. जोरगेवार यांच्या या पत्रामागे जोरगेवार विरुद्ध मुनगंटीवार संघर्ष कारणीभूत असल्याची चर्चा आहे. 9 डिसेंबरला लिहिलेले हे पत्र मीडियाच्या हाती पडल्यावर सुधीर मुनगंटीवार यांनी जोरगेवार यांच्या पक्षनिष्ठेवरच प्रश्न उपस्थित करत मोहन भागवत यांच्या कार्यक्रमाला अशाप्रकारे विरोध करणे योग्य नसल्याचं वक्तव्य केलं. जोरगेवार यानी आपल्या खुलाशात मी देखील स्वयंसेवक असून मुनगंटीवार यांनी राजकीय वैमान्यातून आरोप केल्याचा आरोप केलाय.