चंद्रपूर में जनविकास सेना का आरोप, आयुक्त को 'अपमानपत्र' से हिला भ्रष्टाचार का पर्दाफाश

चंद्रपूर शहरातील बागला चौक ते राजीव गांधी अभियांत्रिकी महाविद्यालय या रस्ता दुभाजकाच्या कामातील प्रचंड गैरव्यवहार आणि भ्रष्टाचाराच्या निषेधार्थ जनविकास सेनेने चंद्रपूर महानगरपालिकेच्या आयुक्त डॉ. विद्या गायकवाड यांना “अप-मानपत्र” देऊन मनपातील महाभ्रष्ट अधिकाऱ्यांचा “जाहीर धुत्कार” केला. देशमुख यांनी मनपाचे सहायक अभियंता आशिष भारती यांच्यासोबत केलेल्या संयुक्त पाहणीचा अहवाल आयुक्त गायकवाड यांना दिला. तांत्रिक उपकरण, वजन काटा,टेप इत्यादी साहित्य घेऊन कामाच्या अंदाजपत्रकांनुसार स्पॉट पंचनामा केला. यावेळी साहित्याच्या प्रमाणात मोठ्या तफावती आढळल्या. अंदाजपत्रकात दाखवलेले स्टील, सिमेंट, व वृक्षलागवडीचे प्रमाण वास्तवापेक्षा तीनपट वाढवून दाखवले असल्याचे स्पष्ट झाले. तसेच दुभाजकाची लांबी आणि खर्च कृत्रिमरीत्या वाढवून 3.56 कोटी रुपयांचा घोटाळा केल्याचे पुरावे सादर करण्यात आले. या एका दुभाजकाच्या देखभालीसाठी वर्षाला 57 लक्ष रूपये खर्च अंदाजपत्रकामध्ये नमूद आहे तर दुसरीकडे शहरातील 88 बगीचे,8 डिवाइडर व 13 सौंदर्यकरणाचे स्थळ यांची देखभाल करण्यासाठी मनपा एका कंत्राटदाराला वर्षाला केवळ एक कोटी रुपये देते.