चंद्रपुर में बाघ हल्ले से एक साल में 47 मौतें, वन विभाग पर विशेषज्ञों की गहरी आशंका

चंद्रपूर जिल्ह्यात एकाच वर्षात वाघ हल्ल्यात अबतक 47 झाल्यानंतरही वनविभाग मात्र निष्काळजीच, बांबू तोडीसाठी आलेल्या बालाघाटच्या मजुरांना थेट जंगलात राहू द्या उभारून करू दिले जात आहे वास्तव्य, गेल्या पंधरा दिवसात वाघाच्या हल्ल्यात झाला आहे तीन मजुरांचा मृत्यू , ठेकेदार- वनविभाग यांच्या निष्काळाचीपणाने जात आहेत मजुरांचे जीव, वन्यजीव अभ्यासकांनी यावर तातडीने बंदी घालण्याची केली मागणी चंद्रपूर जिल्ह्यात सध्या विविध जंगलांमध्ये बांबू तोडणीचा हंगाम सुरू आहे. वनविभागाने यासाठी कंत्राटदारांची नियुक्ती केली आहे. जिल्ह्यात आतापर्यंत वाघांच्या हल्ल्यामध्ये एकाच वर्षात 47 ग्रामस्थ व नागरिकांचे जीव गेले आहेत. असे असले तरी वनविभाग मात्र निष्काळजीच असून बांबू तोडणीसाठी जुनोना- चिचपल्ली मार्गावर थेट जंगलातच बालाघाटी मजुरांच्या झोपड्या थाटण्यात आल्या आहेत. गेल्या पंधरा दिवसात यापैकी दोन ठिकाणी दोन वेगवेगळ्या हल्ल्यात 3 बालाघाटी मजुरांचा मृत्यू झाला आहे. दोनच दिवसांपूर्वी 31 मजुरांची वस्ती असलेल्या या ठिकाणी वाघाची डरकाळी ऐकू आल्याने इथले मजूर देखील धास्तावले आहेत. चंद्रपूर जिल्ह्यातील सर्वच जंगलात आता वाघांचे वास्तव्य आहे. अशा स्थितीत पाणवठ्याच्या शेजारी व वाघांचे वास्तव्य असलेल्या भागात थेट मजुरांच्या राहुट्या उभारणे टाळावे अशी मागणी वन्यजीव अभ्यासकांनी केली आहे. हा प्रकार अत्यंत गंभीर असून वनविभाग मात्र सुस्त असल्याची टीका वन्यजीव अभ्यासकांनी केली आहे.