चंद्रपूर में मुसलधार बारिश से खेत बेहाल, दिवाली की उम्मीदों पर संकट

मुसळधार पावसाने चंद्रपूरला झोडपले. जून महिन्यापासून सुरू झालेला पावसाचा कहर ऑक्टोबर महिन्यातही सुरूच आहे. पूर्ण सप्टेंबर महिनाभर अतिवृष्टी झाल्यानंतरही आता ऑक्टोबर महिन्यात जोरदार पावसाची हजेरी बघायला मिळत आहे. आज सकाळपासून ऊन तापले असताना दुपारनंतर मात्र चंद्रपूरला मुसळधार पावसाने झोडपले. चंद्रपूर जिल्ह्यात आतापर्यंत वार्षिक पर्जन्य सरासरीच्या 117 टक्क्यांहून अधिक पाऊस पडून गेलाय. जिल्ह्यातील कापूस, तूर ,सोयाबीन या पिकांना यामुळे जोरदार फटका बसला आहे. अतिवृष्टीचे पंचनामे प्रगतीपथावर असतानाच पुन्हा एकदा जोरदार पावसाने जिल्याला झोडपल्याने शेतकरी हवालदिल झाला आहे. यंदाची दिवाळी चिखल दिवाळी ठरणार का अशी ही भीती व्यक्त केली जात आहे.