चंद्रपुर में देवी महाकाली महोत्सव: चांदी की मूर्ति की नगर-प्रदक्षिणा की गूंज

चंद्रपूरच्या माता महाकाली महोत्सवात आज देवी महाकालीच्या चांदीच्या मूर्तीची रथातून निघाली नगरप्रदक्षिणा, शहरभर देवी महाकालीच्या नामाचा गजर, विविध धार्मिक देखाव्याची रेलचेल, शेकडो सामाजिक- धार्मिक मंडळे झाली आहेत सहभागी चंद्रपूरचे आमदार किशोर जोरगेवार यांच्या पुढाकाराने शहरात नवरात्रीच्या पर्वावर सलग चौथ्या वर्षी माता महाकाली महोत्सवाचे आयोजन सुरू आहे. यानिमित्ताने विविध धार्मिक कार्यक्रम ,कन्यापूजन व सांस्कृतिक कार्यक्रमांची मेजवानी चंद्रपूरकरांना मिळत आहे. शहर- जिल्ह्याच्या वैभवात भर घालणारी देवी महाकालीच्या चांदीच्या मूर्तीची चांदीच्याच रथातून केली जाणारी नगर प्रदक्षिणा म्हणजे या महोत्सवाचे खास वैशिष्ट्य. महोत्सव स्थळ असलेल्या देवी महाकाली मंदिरापासून निघालेली मूर्तीची नगरप्रदक्षिणा मिरवणूक शहराच्या मुख्य मार्गावरून मार्गक्रमण करत पुन्हा एकदा देवी महाकाली मंदिरात पोहोचणार आहे. या नगरप्रदक्षिणा यात्रेत हजारो चंद्रपूरकर सहभागी झाले असून विविध देखाव्यांची यात्रेत रेलचेल आहे. शहरभर देवी महाकालीच्या नामाचा गजर होत असून शहरातील विविध सामाजिक -धार्मिक मंडळे यात सहभागी झाली आहेत. सुप्रसिद्ध जागरण गायक लखबीर सिंह लक्खा यांचे सुपुत्र पन्नासिंग गिल या संपूर्ण यात्रेत लाईव्ह गितगायन करत असून यामुळे संपूर्ण वातावरण भक्तीने भारले आहे.