अनिल देशमुख यांच्यावर विधानसभा निवडणूक प्रचाराच्या काळात 18 नोव्हेंबर 2024 रोजी झालेल्या कथित हल्ल्याची घटना पोलीस आणि फॉरेन्सिक तपासात खोटी निघाली आहे. त्यामुळे नागपूर ग्रामीण पोलिसांनी या संदर्भात न्यायालयात "बी फायनल रिपोर्ट" पाठवल्याची खात्रीलायक माहिती आहे. पोलिसांनी त्यांच्या बी फायनल रिपोर्ट मध्ये असे अनेक तर्क दिले आहे ज्यावरून हल्ल्याची ही घटना खोटी असल्याचा पोलिसांचा दावा मजबूत होत आहे. १) अनिल देशमुख यांच्या फोर्ड एंडेवर कारचा समोरचा काच re-inforce तंत्राचा होता.. त्यामुळे समोरून दगड मारल्यावर तो तडकला असता, मात्र तुटला नसता... दगडांची वारंवार प्रहार केल्यानंतरच तो तुटला असता... मात्र अनिल देशमुख यांच्या कारचा समोरील काच तडकला ही नव्हता तसेच तुटला ही नव्हता... २) अनिल देशमुख यांना झालेल्या जखमेचा mis match - साधारणपणे काच तुटल्यावर काचेचे टोकदार तुकडे कारचालकाच्या बाजूला बसलेल्या देशमुख यांना लागले असते, तर त्यांना त्या पद्धतीचे घाव झाले असते, मात्र अनिल देशमुख यांच्या डोक्यावर झालेली जखम त्या स्वरूपाची आढळलेली नाही... ३) अनिल देशमुख यांच्या कार मध्ये आढळलेला मोठा दगड मागच्या खिडकीतून आत मध्ये आल्याचे सांगण्यात आले होते.. फॉरेन्सिक तपासात मागील खिडकीतून आत मध्ये आलेला दगड समोरच्या सीटवर बसलेल्या अनिल देशमुख यांना डोक्याच्या समोरील बाजूला लागणे अशक्य असल्याचे निष्कर्ष काढण्यात आले आहे... त्यामुळे पोलिसांनी या फॉरेन्सिक आणि वैज्ञानिक तपासनंतर आढळलेल्या विसंगती तसेच मिळालेल्या पुराव्यांच्या आधारावर हल्ल्याच्या या घटनेला खोटं सांगत न्यायालयात बी फायनल रिपोर्ट पाठवल्याची माहिती आहे.. आता पोलिसांच्या या बी फायनल रिपोर्ट नंतर राजकीय भूकंप येण्याची शक्यता नाकारता येत नाही.. 18 नोव्हेंबर 2024 म्हणजेच विधानसभा निवडणुकीच्या मतदानाच्या अवघ्या दोन दिवसांपूर्वी संध्याकाळच्या सुमारास अनिल देशमुख यांच्यावर नरखेड - काटोल मार्गावर बैल फाटा जवळ झुडपांमध्ये लपलेल्या चार जणांनी गाडीवर दगडफेक करत हल्ला चढवल्याची तक्रार करण्यात आली होती.. तेव्हा अनिल देशमुख यांच्यासह राष्ट्रवादी काँग्रेस शरद पवार गटाच्या इतर कार्यकर्त्यांनी काटोल मधून भाजप उमेदवार आणि विद्यमान आमदार चरणसिंह ठाकूर आणि त्यांच्या कार्यकर्त्यांवर हल्ल्या संदर्भातला आरोप केला होता...