14 महीने बाद जेल से बाहर आएंगे सरपंच हत्या आरोपी, कोर्ट ने अनुमति दी

बीड:सरपंच देशमुख हत्या प्रकरणातील एक आरोपी 14 महिन्यानंतर जेल बाहेर पडणार भावाच्या निधनानंतर केल्या जाणाऱ्या धार्मिक विधीसाठी न्यायालयाची परवानगी सरपंच संतोष देशमुख हत्या प्रकरणातील आरोपी जयराम चाटे 14 महिन्यानंतर जेल बाहेर पडणार आहे. निधनानंतर केल्या जाणाऱ्या धार्मिक विधीसाठी जयराम चाटेला न्यायालयाने पोलीस बंदोबस्तात उपस्थित राहण्याची परवानगी दिलीय. आरोपी जयराम चाटेचा धाकटा भाऊ श्रीराम चाटे याचे दोन मार्च रोजी तांबवा गावात निधन झाले. या निधनानंतर हिंदू रितीरिवाजानुसार 12 व्या दिवसाचा विधी महत्त्वाचा असल्याने या विधीला उपस्थित राहण्यासाठी जयरामच्या वकिलांकडून न्यायालयात परवानगी मागण्यात आली होती. यानुसार न्यायालयाने 13 मार्च रोजी सकाळी 9 ते दुपारी 4 पर्यंत आरोपीला अटी शर्ती घालून धार्मिक विधीस उपस्थित राहण्याची परवानगी दिली. 6 मार्च रोजी जिल्हा व विशेष न्यायालयात झालेल्या सुनावणी दरम्यान सरकारी वकील बाळासाहेब कोल्हे यांनी अर्जाला विरोध केला होता. परंतु न्यायालयाने पोलीस बंदोबस्तात 12 व्याच्या धार्मिक कार्यक्रमास उपस्थित राहण्याची परवानगी दिली. यादरम्यान जयराम चाटेला पोलीस बंदोबस्ताचे शुल्क भरावे लागणार असून न्यायालयाने दिलेल्या अटींचे पालन करणे बंधनकारक असणार आहे. जयरामच्या वकिलांकडून न्यायालयात अर्ज केल्यानंतर मयत सरपंच संतोष देशमुख यांचे भाऊ धनंजय देशमुख यांनी कायदा व सुव्यवस्थेचा प्रश्न निर्माण झाल्यास जबाबदार कोण? असा देखील सवाल उपस्थित केला होता.