मराठवाडा में बाढ़-आपदा से किसानों को भारी नुकसान, सरकार ने 8708 करोड़ राहत मंजूर

जून ते सप्टेंबरदरम्यान मराठवाड्यात अतिवृष्टी आणि पुरामुळे मोठ्या प्रमाणावर शेतीचे नुकसान झाले. ३२ लाख हेक्टरवरील पिके उद्ध्वस्त झाली. या नुकसानीच्या भरपाईसाठी शासनाने ८ हजार ७०८ कोटी ४८ लाख रुपयांचा मदतनिधी मंजूर केला. त्यापैकी ५ हजार ७०५ कोटी रुपये ७६ लाख ८८ हजार ८०३ शेतकऱ्यांच्या खात्यात थेट जमा झाले आहेत. हे वाटप डीबीटी प्रणालीद्वारे करण्यात येत आहे. दिवाळीपूर्वी सर्व शेतकऱ्यांना अनुदान वाटप करण्याचा दावा फोल ठरला असून अद्यापही २९ लाख ६० हजार लाभार्थी अनुदान मिळण्यापासून वंचित आहेत. विभागीय आयुक्तालयाने दिलेल्या माहितीनुसार, एकूण १ कोटी ६ लाख ४९ हजार ५२९ शेतकरी बाधित झाले आहेत. आतापर्यंत ८३ लाख ५१ हजार ६६५ शेतकऱ्यांच्या याद्या अपलोड केल्या. त्यातील ६५.५१ टक्के शेतकऱ्यांना अनुदान मिळाले आहे. उर्वरित शेतकऱ्यांच्या खात्यावर रक्कम जमा करण्याचे काम सुरू आहे. शासनाने तीन हेक्टरपर्यंतच्या शेतजमिनीसाठी मदत देण्याचे धोरण ठरवले आहे. अनेक मंडळांमध्ये जून, जुलै महिन्यातही अतिवृष्टी झाली. पंचनामे सुरू असतानाच पावसाचा जोर कायम होता. जिल्हानिहाय अनुदान वाटप : छत्रपती संभाजीनगर ५५ टक्के, जालना ५३ टक्के, परभणी ६५ टक्के, हिंगोली ६४ टक्के, नांदेड ६५ टक्के, बीड ७३ टक्के, लातूर ७३ टक्के, तर धाराशिवमध्ये ६५ टक्के अनुदान शेतकऱ्यांच्या खात्यावर जमा झाले.