दरियापुर में सिलेंडर चेक के दौरान हंगामा, घरेलू गैस सिलेंडर का खुलासा

दरियापुरात सिलेंडर तपासणी दरम्यान हॉटेल व्यवसायाची सरकारी अधिकाऱ्याला धक्काबुक्की; कारवाईदरम्यान गोंधळ, जप्त गॅस सिलेंडर जमावाने पळविले दर्यापूरात महसूल विभागाने हॉटेलवर सर्च मोहीम राबवली असून त्यामध्ये हॉटेल व्यवसायिक घरगुती सिलेंडर वापरत असल्याचे स्पष्ट झाले. यावर महसूल विभागाने धडक कारवाई सुरू केली आहे. दर्यापूर शहरातील अंजनगाव टी-पॉईंट परिसरातील काही हॉटेलमधून अधिकाऱ्यांनी घरगुती गॅस सिलेंडर जप्त केले. मात्र कारवाईदरम्यान परिसरात मोठ्या प्रमाणात नागरिक जमले आणि गोंधळ निर्माण झाला. काहींनी अधिकाऱ्यांशी धक्काबुक्की करत पंचनामे फाडल्याची घटना समोर आली आहे. तसेच जप्त केलेले काही सिलेंडर सरकारी वाहनातून काढून काही जण घेऊन गेल्याची घटना घडली आहे. घटनेची माहिती मिळताच दर्यापूर पोलिस घटनास्थळी दाखल झाले असून दरम्यान, नायब तहसीलदार प्रमोद काळे यांच्या मार्गदर्शनाखाली दर्यापूर पोलीस ठाण्यात तक्रार दाखल करण्यात आली आहे. पुढील तपास पोलिसांकडून केला जात आहे.