महाराष्ट्रात अवकाळी पावसामुळे अकोला-अकोटमध्ये पिकांचे संभाव्य नुकसान, किसान चिंतित

राज्यात अनेक ठिकाणी अवकाळी पावसाने हजेरी लावली असून या बदलत्या हवामानाचा फटका शेती क्षेत्राला बसण्याची शक्यता व्यक्त केली जात आहे. हवामान खात्याने 18 ते 20 मार्चदरम्यान महाराष्ट्र राज्यात अवकाळी पावसाचा अंदाज वर्तवला होता. त्यानुसार अकोला जिल्ह्यातही अवकाळी पावसाने जोरदार हजेरी लावली आहे. जिल्ह्यातील अकोट परिसरात काल सायंकाळी गारपीट झाली, तर मध्यरात्रीनंतर जिल्ह्यातील अनेक भागात अवकाळी पाऊस सुरू झाला. अचानक झालेल्या या पावसामुळे शेतकऱ्यांमध्ये चिंतेचे वातावरण निर्माण झाले आहे. विशेषतः उभ्या पिकांना याचा मोठा फटका बसण्याची शक्यता व्यक्त केली जात आहे.गावाकडील भागात गेल्या काही दिवसांपासून तापमान चाळीस अंशांपर्यंत पोहोचले होते. मात्र अवकाळी पावसामुळे तापमानात घट होण्याची शक्यता हवामान तज्ज्ञांकडून वर्तवली जात आहे. दरम्यान, पावसामुळे शेतकऱ्यांनी पिकांचे नुकसान टाळण्यासाठी आवश्यक ती खबरदारी घेण्याचे आवाहनही करण्यात येत आहे.