फलों-सब्जियों के नकली रंगों का सच: कैसे सुरक्षित खरीदें

मुंबईसह अनेक बाजारांत मिळणाऱ्या फळे भाज्यांचा अतिशय आकर्षक रंग हा नैसर्गिक नसून रासायनिक स्प्रे, मेणाचा थर किंवा इंजेक्शनमुळे तयार केला जातो, असा इशारा अकोल्यातील डॉ. पंजाबराव देशमुख कृषी विद्यापीठाचे उद्यानविद्या विभागाचे अधिष्ठाता डॉ. अरविंद सोनकांंबळे यांनी दिला आहे. अशा रासायनिक प्रक्रियेमुळे आरोग्यावर उलट परिणाम होऊ शकतो. शहरांमध्ये अनेक शेतकरी दूषित व सांडपाण्यावर भाज्या पिकवतात. या पाण्यात जिवाणू, विषाणू व हेवी मेटल्स असल्याने अशा भाज्यांमुळे गंभीर आजारांचा धोका वाढतो. खरेदी करताना घ्या ही काळजी: पोत तपासा: फळे-भाज्या ताज्या व कडक असाव्यात; अतिशय मऊ वाटल्यास खरेदी टाळा. नैसर्गिक रंग निवडा: अतिशय चमकदार, भडक रंगाची फळे-भाज्या घेऊ नयेत; यामागे रसायने असू शकतात. नैसर्गिक सुगंध: पिकलेल्या फळांना साधारणपणे नैसर्गिक सुगंध असतो. हंगामी फळे घ्या: हंगामात मिळणारी फळे-भाज्या अधिक सुरक्षित व चविष्ट असतात. बाह्य चमक टाळा: काही फळांवर मेणाचा थर असतो,अतिशय गुळगुळीत, अस्वाभाविक चमक दिसल्यास सावध राहा. निष्कर्ष: फळे-भाज्या आकर्षक दिसत असल्या तरी त्यांच्या रंग, वास, पोत आणि हंगाम जरूर तपासा. नैसर्गिक आणि ताजे पदार्थ निवडणेच आरोग्याच्या दृष्टीने सुरक्षित.