शरद पवार ने कृषि नीति पर केंद्र पर निशाना, किसानों के लिए AI-ड्रोन संवाद

अकोला जिल्ह्यातील कान्हेरी सरप येथे आज भव्य शेतकरी संवाद मेळावा पार पडला. या मेळाव्यास राष्ट्रवादी काँग्रेस (शरद पवार गट) चे अध्यक्ष शरद पवार प्रमुख पाहुणे म्हणून उपस्थित होते. त्यांच्या सोबत माजी गृहमंत्री अनिल देशमुखही उपस्थित होते. या मेळाव्यात जिल्ह्यातील प्रगतीशील शेतकऱ्यांचे सन्मान करण्यात आले तर शेतकऱ्यांनी वाढत्या उत्पादन खर्च आणि हमीभावातील तफावत याबत तीव्र नाराजी व्यक्त केली. शरद पवार यांनी शेतकऱ्यांच्या व्यथेला न्याय देत केंद्र सरकारच्या कृषी धोरणांवर थेट टीका केली. शेतकऱ्यांच्या आर्थिक विकासासाठी त्यांच्यावरील ओझे कमी करणे हे उत्तम उपाय असल्याच ते म्हणाले. पवार यांनी शेतकऱ्यांना पारंपरिक शेतीसोबत प्रक्रिया उद्योग आणि थेट बाजारपेठांशी जोडणी करण्याचं आवाहन केलं. त्यांनी कृषी क्षेत्रात कृत्रिम बुद्धिमत्ता (AI), ड्रोन तंत्रज्ञान आणि स्मार्ट सिंचन प्रणाली यांचा वापर वाढवण्याची गरज अधोरेखित केली. या मेळाव्यात अकोला व परिसरातील शेकडो शेतकऱ्यांनी उत्स्फूर्त सहभाग नोंदवला. विविध प्रश्नोत्तर सत्रांदरम्यान शेतकऱ्यांनी थेट शरद पवार यांच्यासमोर आपल्या समस्या आणि अपेक्षा मांडल्या.