नान्नज में वैयक्तिक विवाद से धारदार हत्या; निलेश गायवळ समेत 9 आरोपी गिरफ्तार

अहिल्यानगरच्या जामखेड तालुक्यातील नान्नज परिसरात 24 ऑगस्ट रोजी वैयक्तिक वादातून एका तरुणावर धारदार हत्याराने जीवघेणा हल्ला केल्याची गंभीर घटना घडली होती. या प्रकरणात कुख्यात गुंड निलेश गायवळवरही गुन्हा दाखल करण्यात आल्याचे पोलिस अधीक्षक सोमनाथ घार्गे यांनी म्हंटले आहे. आरपीआयचे जिल्हाध्यक्ष सुनील साळवे यांच्या कुटुंबावर प्राणघातक हल्ला झाला होता; त्यामध्ये सुनील साळवे यांचा मुलगा अनुप साळवे आणि इतर 6 जण गंभीर जखमी झाले होते. अनुप साळवे आपल्या मित्रांसह नान्नज येथे गेला असता जुन्या वादातून आरोपींनी अडवून लाथाबुक्क्यांनी मारहाण केली होती. हल्ल्यानंतर आरोपी घटनास्थळावरून पसार झाले होते. या प्रकरणी 12 जणांविरोधात गुन्हा दाखल झाला होता. पोलिसांनी अटक केलेल्या 9 आरोपींच्या जबाबांवरून निलेश गायवळ याचाही या कटात सहभाग असल्याचे निष्पन्न झाले असून त्यालाही या प्रकरणात भविष्यात अटक करण्यात येईल असं पोलीस अधीक्षक घार्गे यांनी म्हंटले आहे.