किसान परेशान: 50 किमी कपास दिंडी से मांग, सरकार खरीद सीमा बढ़ाओ

शासनाच्या धोरणांमुळे आणि सीसीआयच्या मर्यादित खरेदीमुळे शेतकऱ्यांना योग्य दर न मिळाल्याच्या निषेधार्थ प्रहार जनशक्ती पक्षातर्फे अकोट ते अकोला असा तब्बल 50 किलोमीटर पायदळ कापूस दिंडीचे आयोजन करण्यात आले होते. यंदा कापूस उत्पादनात झालेली घट, वाढती खर्चिक परिस्थिती आणि बाजारभावातील घसरण यामुळे शेतकरी आर्थिक संकटात सापडले आहेत. सध्या शेतकऱ्यांना एकरी सरासरी 15 क्विंटल उत्पादन मिळत असतानाही शासन केवळ 5.6 क्विंटलपर्यंतच खरेदी मर्यादा ठेवत आहे. ही मर्यादा वाढवून 11 क्विंटलपर्यंत करण्याची प्रमुख मागणी या पायदळ वारीतून करण्यात आली. तसेच सीसीआयने खरेदीसाठी घालून दिलेल्या कडक नियमांमुळे कापूस विक्री प्रक्रियेत शेतकऱ्यांवर अनेक निर्बंध येत असून त्यांचा मोठ्या प्रमाणात तोटा होत असल्याचा आरोपही करण्यात आला. शेतकऱ्यांना न्याय मिळवून देण्यासाठी प्रहार जनशक्ती पक्षाचे जिल्हाध्यक्ष कुलदीप वसु यांच्या नेतृत्वाखाली ही कापूस दिंडी काढण्यात आली. अखेर ही दिंडी अकोल्यातील सीसीआय कार्यालयासमोर दाखल झाली आणि शेतकऱ्यांच्या मागण्या तातडीने मान्य करण्याचे आवाहन यावेळी करण्यात आले.