बार्शीटाकळी नगरपंचायत में पानी संकट चुनाव का केंद्र, हर उम्मीदवार का दावा

अकोला जिल्ह्यातील बार्शीटाकळी नगरपंचायत निवडणुकीत पाणीप्रश्न हा प्रमुख मुद्दा बनला आहे. “नागरिक चोरीचं पाणी पित आहेत” असा आरोप अनेक उमेदवारांकडून होत असून हा मुद्दा चांगलाच गाजत आहे. अनेक वर्षांपासून शहराला हक्काचा पाणीपुरवठा न झाल्याची समस्या आता निवडणुकीत ज्वलंत ठरली आहे. बार्शीटाकळी येथे यंदा नगराध्यक्ष पद महिला आरक्षित आहे. 20,947 मतदारांपैकी नगराध्यक्ष पदासाठी 5 उमेदवार स्पर्धेत आहेत. शहरातील सर्वात मोठी समस्या म्हणजे पाणीटंचाई. अकोला शहराला काटेपूर्णा धरणातून जाणारी मुख्य पाइपलाईन बार्शीटाकळी मार्गे जाते, मात्र शहराला स्वतंत्र पाणीपुरवठा होत नाही. त्यामुळे अनेक नागरिक बेकायदा पाईपलाईनला जोडून पाणी घेतात. अकोला महापालिकेने अनेक वेळा कारवाई केली असून त्यामुळे स्थानिकांमध्ये अनेकदा वादही झाले आहेत. हीच परिस्थिती लक्षात घेऊन विरोधकांनी सत्ताधारी काँग्रेसवर टीका करण्यास सुरूवात केली आहे आणि प्रत्येक उमेदवार ‘हक्काचा पाणी’ मिळवून देण्याचा दावा करत आहे. रूपाली गोल्डे, शिवसेना (शिंदे गट) उमेदवार; वनमाला मुळे, शिवसेना (यूबीटी) उमेदवार; समीना अंजुम, काँग्रेस उमेदवार. बार्शीटाकळी नगरपंचायत अद्यापही अनेक मुलभूत सुविधांपासून वंचित आहे. येथील ग्रामीण रुग्णालयात आयसीयूची सुविधा नाही, एमआयडीसी नसल्याने बेरोजगारी मोठ्या प्रमाणावर आहे. मात्र या सर्वांपेक्षा पाणीप्रश्न अधिक गंभीर असून त्याच्या निराकरणाचा दावा सर्वच पक्षांकडून करण्यात येत आहे. पाणी समस्या गंभीर असल्याचे सत्ताधारी काँग्रेस पक्षही मान्य करतो. निवडून आल्यास शहरातील पाणीटंचाईसह महिलांचे प्रश्न प्राधान्याने सोडवणार असल्याचे काँग्रेस उमेदवार सांगत आहेत. समीना अंजुम, काँग्रेस उमेदवार.