अकोला महापौर के लिए 41 की जादुई संख्या पूरी होते ही सत्ता की लड़ाई गरम

अकोला महानगरपालिकेत सत्ता स्थापनेसाठी आवश्यक असलेला ४१ नगरसेवकांचा जादुई आकडा गाठण्यासाठी भाजप आणि काँग्रेस दोन्ही बाजूंनी जोरदार प्रयत्न सुरू आहेत. ३८ जागांसह भाजप सर्वात मोठा पक्ष ठरला असला, तरी कोणालाही स्पष्ट बहुमत मिळालं नाही. त्यामुळे सत्ता स्थापनेसाठी दोन्ही बाजूंना आकड्यांची जुळवाजुळव करावी लागत आहे. सत्ता स्थापनेच्या पार्श्वभूमीवर काँग्रेसकडून जोरदार फील्डिंग सुरू असून, काल रात्री वंचित बहुजन आघाडीचे सर्वेसर्वा प्रकाश आंबेडकर यांच्यासोबत एका हॉटेलमध्ये सत्तास्थापनेसंदर्भात महत्त्वाची बैठक पार पडली. मात्र या बैठकीत महापौर पद कोणाकडे जाणार ? यावर अद्याप अंतिम निर्णय झालेला नसल्याची माहिती विश्वासार्ह सूत्रांनी दिली आहे. या बैठकीला काँग्रेस, वंचित बहुजन आघाडी, एमआयएम, राष्ट्रवादी काँग्रेसचे दोन्ही गट, शिवसेना उद्धव ठाकरे गट तसेच अपक्ष उमेदवार उपस्थित होते. दरम्यान, अकोला महापालिकेत ओबीसी महिला आरक्षण जाहीर झाल्याने महापौर पदासाठी इच्छुकांची संख्या वाढली आहे. काँग्रेसकडे तीन, वंचित बहुजन आघाडीकडे एक, तर उद्धव ठाकरे गटाकडे दोन महिला नगरसेविका असल्याने महापौर पदावरून चर्चा अडकल्याचं सांगण्यात येत आहे. महापौर पदावर एकमत न झाल्यामुळे चर्चा तात्पुरती थांबवण्यात आली असून, ५ नगरसेवकांची ताकद असलेल्या वंचित बहुजन आघाडी आपली भूमिका मांडली आहे, ही चर्चा सकारात्मक झाली असून लवकरच आम्ही महा फोर चा उमेदवार जाहीर करू असं प्रकाश आंबेडकर यांनी म्हटल आहे. काँग्रेसने भाजपला रोखण्यासाठी सर्व विरोधी पक्षांना सोबत येण्यासाठी आवाहन केले आहे. तर वंचित बहुजन आघाडी सोबत सकारात्मक चर्चा झाली असून महापौर चा निर्णय प्रकाश आंबेडकर येथील असं काँग्रेसने म्हंटल आहे. दुसरीकडे भाजप सत्ता स्थापनेच्या अधिक जवळ असल्याचं चित्र आहे, कारण भाजपला बहुमतासाठी केवळ ३ नगरसेवकांची गरज आहे. तर भाजपकडे १३ ओबीसी महिला उमेदवार आहेत. तर भाजप लवकरच सत्ता स्थापन करणार असा दावा आमदार रणधीर सावरकर यांनी केला असून काही तासातच आम्ही सत्ता स्थापनेची घोषणा करू असं रणधीर सावरकर यांनी इन कॅमेरा प्रतिक्रिया न देता भ्रमणध्वनी द्वारे सांगितलं आहे. आता पाहूया आकड्यांचा खेळ नेमका कसा होऊ शकतो… भाजप समीकरण : भाजप – ३८ राष्ट्रवादी काँग्रेस (अजित पवार गट) – १ शिवसेना (एकनाथ शिंदे गट) – १ अपक्ष – १ एकूण : ४१ काँग्रेस समीकरण : काँग्रेस – २१ राष्ट्रवादी काँग्रेस (शरद पवार गट) – ३ शिवसेना (उद्धव ठाकरे गट) – ६ वंचित बहुजन आघाडी – ५ एमआयएम – ३ अपक्ष – १ एकूण : ३९ Graphics : अकोला महानगरपालिका – अंतिम आकडेवारी (एकूण जागा : ८०) भाजप – ३८ शिवसेना (शिंदे) – १ राष्ट्रवादी (अजित पवार) – १ शिवसेना (ठाकरे) – ६ काँग्रेस – २१ राष्ट्रवादी (शरद पवार) – ३ वंचित बहुजन आघाडी – ५ एमआयएम – ३ इतर – २ काँग्रेसचे आकडे पाहता, सत्ता स्थापनेसाठी काँग्रेसला राष्ट्रवादी काँग्रेस अजित पवार गट आणि शिवसेना शिंदे गटाची मदत घ्यावी लागणार आहे. मात्र महायुतीतील हे मित्रपक्ष काँग्रेसला साथ देतील का, हे पाहणं औत्सुक्याचं ठरणार आहे. जयेश जगड, झी मिडिया, अकोला