अकोला: अफवाओं पर नियंत्रण, पेट्रोल पंपों पर स्थिति सामान्य

अमेरिका, इस्रायल आणि इराण यांच्यात वाढत चाललेल्या युद्धाच्या पार्श्वभूमीवर त्याचा मोठा परिणाम आता जागतिक इंधन बाजारावर होताना दिसत आहे. एलपीजी गॅससह पेट्रोल आणि डिझेलच्या पुरवठ्यावरही याचा परिणाम होण्याची शक्यता व्यक्त केली जात आहे.भारतामध्ये या युद्धाच्या पार्श्वभूमीवर काही शहरांमध्ये नागरिकांनी पेट्रोल पंपांवर गर्दी केल्याचे चित्र समोर आले आहे. मात्र अकोला शहरात नागरिकांनी अफवांवर विश्वास न ठेवता समजूतदारपणाचे उदाहरण दिले आहे. Vo 1 : महाराष्ट्रातील काही शहरांमध्ये कालपासून पेट्रोल पंपांवर नागरिकांची मोठी गर्दी पाहायला मिळत आहे. मात्र अकोला शहरात परिस्थिती पूर्णपणे वेगळी पाहायला मिळत आहे. अकोल्यातील बहुतांश पेट्रोल पंपांवर नागरिकांनी कोणतीही अनावश्यक गर्दी केलेली नाही. काही पेट्रोल पंप चालकांनी देखील ध्वনिक्षेपकाद्वारे नागरिकांना आवाहन करत अफवांवर विश्वास ठेऊ नये असे सांगितले आहे.आवश्यक असेल तेवढेच पेट्रोल आणि डिझेल भरावे तसेच सध्या उन्हाळ्याचे दिवस असल्यामुळे पेट्रोल टाकी पूर्ण भरू नये, असा सल्लाही देण्यात येत आहे. Byte : राहुल सहसनानी, पेट्रोल पंप मालक. Vo 2 : दरम्यान, अकोला शहरातील सर्व पेट्रोल पंपांवर सध्या पेट्रोल आणि डिझेलचा पुरवठा सुरळीत सुरू असल्याची माहिती मिळत आहे. ग्राहकांना इंधन भरण्यासाठी कोणताही विलंब होत नसून नागरिकांनी शांतता आणि संयम राखल्याचे चित्र पाहायला मिळत आहे. Byte : निलेश माळी, ग्राहक. Final Vo : देशातील अनेक शहरांमध्ये अफवांमुळे पेट्रोल पंपांवर नागरिकांची मोठी गर्दी होत असताना अकोलेकरांनी मात्र अफवांवर विश्वास न ठेवता समजूतदारपणाचे उदाहरण घालून दिले आहे. शांतता, संयम आणि जबाबदारीने वागणाऱ्या अकोलेकरांचे हे वर्तन इतर शहरांसाठीही आदर्श ठरत असून अकोल्यातील सर्व पेट्रोल पंपांवर सध्या इंधनाचा पुरवठा सुरळीत सुरू आहे. जयेश जगड, झी मिडिया, अकोला