धाराशिवध्ये अतिवृष्टीग्रस्त विद्यार्थ्यांची फी माफी हवेतच धाराशिवमध्ये परीक्षा फीची सक्ती सुरूच फी न भरल्यास हॉलतिकीट अडवण्याची भीती सरकारच्या धोरणामुळे हजारो विद्यार्थ्यांचं भवितव्य अंधारात अँकर : धाराशिव जिल्ह्यात अतिवृष्टीग्रस्त विद्यार्थ्यांसाठी जाहीर झालेली फी माफी अद्याप कागदावरच असल्याचं चित्र आहे. सरकारकडून घोषणा झाली असली तरी अधिकृत जीआर नसल्यामुळे महाविद्यालयांकडून परीक्षा फीची सक्ती सुरूच आहे. त्यामुळे विद्यार्थी आर्थिक अडचणीत सापडले आहेत. धाराशिव जिल्ह्यातील 55 महाविद्यालयांमध्ये शिक्षण घेणाऱ्या हजारो विद्यार्थ्यांना अतिवृष्टीचा फटका बसला आहे. फी माफीची घोषणा होऊनही राज्यातील 419 महाविद्यालयांपर्यंत त्याचा लाभ पोहोचलेला नाही. 7 एप्रिलपासून महाविद्यालयीन परीक्षा सुरु होत असताना फी न भरल्यास हॉलतिकीट अडवण्याची भीती विद्यार्थ्यांमध्ये आहे. अधिकृत आदेश नसल्यामुळे फी घेणे भाग असल्याचं प्राचार्य सांगत आहेत, तर विद्यार्थ्यांनी सरकारच्या घोषणेनंतरही फीची सक्ती होत असल्याने संताप व्यक्त केला आहे. घोषणा आणि अंमलबजावणीतील तफावत स्पष्ट होत असून, विद्यार्थ्यांचं शैक्षणिक वर्ष धोक्यात येण्याची शक्यता निर्माण झाली आहे.