यवतमाल में गैस सिलेंडर पाने के लिए नागरिक रातभर एजेंसी के सामने अंथरियाँ बिछाकर इंतजार कर रहे

यवतमाळ मध्ये गॅस सिलेंडर मिळविण्यासाठी नागरिकांना रात्रभर एजन्सी कार्यालयासमोर अंथरून पांघरून घेऊन थांबावे लागत असल्याचे विदारक दृश्य समोर आले आहे. गॅस एजन्सीवर गर्दी होऊ नये यासाठी टोकन सिस्टीम लागू करावी तसेच बुकिंगनंतर ८ दिवसाच्या आत ग्राहकाला सिलंडर उपलब्ध होईल, असे नियोजन करण्याच्या सूचना जिल्हाधिकारी विकास मीना यांनी एजन्सी चालकांना दिल्या होत्या मात्र त्याची कुठलीही अंमलबजावणी जिल्ह्यात होत नसल्याचे दिसून येत आहे. सिलेंडरचा मुबलक साठा उपलब्ध असल्याचे शासन प्रशासन सांगत असले तरी, आखाती देशांमध्ये सुरू असलेल्या युद्धामुळे इंधन पुरवठा साखळी विस्कळीत झाल्याचे तीव्र पडसाद ग्रामीण भागात उमटताना दिसत आहेत. सिलेंडर मिळविण्यासाठी नागरिकांना गॅस एजन्सीच्या गोडाऊनसमोरच अंथरूण-पांघरूण घेऊन रात्र काढावी लागत आहे. चिचगाव, धनज, माणिकवाडा, चिखली कान्होबा, वटफळी, जवळगाव यांसह अन्य गावांतील ग्रामस्थांनी शहरापासून सुमारे ३ किलोमीटर अंतरावर असलेल्या गॅस एजन्सीच्या गोडाऊनसमोरच मुक्काम ठोकला आहे. अनेकजण आपल्या सोबत जेवणाचे डबे, पिण्याचे पाणी तसेच अंथरूण-पांघरूण घेऊन येत असून, रात्रभर गोडाऊनसमोर थांबून आहेत.