सावेडी में सर्प पकड़ते समय प्राणीमित्र समीर इंगळे की मौत—वीडियो वायरल

अहिल्यानगर शहरातील सावेडी परिसरात साप पकडण्याच्या प्रयत्नात 40 वर्षीय प्राणीमित्र समीर इंगळे यांचा दुर्दैवी मृत्यू झाला आहे. साप पकडताना त्यांच्या हाताला साप चावल्याचा थरारक व्हिडिओ सोशल मीडियावर व्हायरल झाला असून, त्यानंतर काही तासातच समीरचा उपचारादरम्यान मृत्यू झाल्याने हळहळ व्यक्त होत आहे. सावेडी भागात एक साप दिसल्याची माहिती मिळताच समीर इंगळे तिथे पोहोचला आणि नेहमीप्रमाणे साप पकडण्याचा प्रयत्न करू लागले. मात्र, या दरम्यान सापाने त्यांच्या हाताला चावा घेतला. तातडीने त्यांना शहरातील एका खाजगी रुग्णालयात दाखल करण्यात आलं, पण उपचारादरम्यान त्यांचा मृत्यू झाला. समीर इंगळे हा शहरातील परिचित प्राणीमित्र म्हणून ओळखला जात होता. रस्त्यावर एखादा जखमी किंवा आजारी प्राणी दिसला तर ते त्याची काळजी घेत, उपचार करून त्याचा सांभाळ करत असत. त्यांच्या निधनाने नगर शहरात हळहळ व्यक्त केली जात आहे...