अँकर - एस टी ला गणपती पावला.  गणेशोत्सवादरम्यान केलेल्या जादा वाहतुकीच्या माध्यमातून राज्य मार्ग परिवहन (एसटी) महामंडळाला २३ कोटी ७७ लाख रुपयांचे उत्पन्न मिळाले आहे. मुंबई, ठाणे आणि पालघर भागामधून ५ हजार बसद्वारे ५ लाख ९६ हजारांपेक्षा जास्त कोकणवासीयांनी एसटीने प्रवास केला असून, ते आपापल्या गावी, वाड्या, वस्त्यांमध्ये सुखरूप पोहोचले. २३ ऑगस्ट ते ८ सप्टेंबर या काळामध्ये यंदा एसटीद्वारे ५ हजार जादा एसटी बसेसची सोय केली होती. या बसेसद्वारे १५ हजार ३८८ फेऱ्या कोकण मार्गांवर झाल्या. यासाठी राज्यभरातील १० हजारांपेक्षा जास्त चालक-वाहक, यांत्रिक कर्मचारी, पर्यवेक्षक आणि विविध अडचणींना धैर्याने सामोरे जात चालक, वाहकांनी गणेशभक्तांची वाहतूक सुरक्षितरीत्या पार पाडली. ही कौतुकास्पद बाब असल्याचे परिवहनमंत्री तथा एसटी महामंडळाचे अध्यक्ष प्रताप सरनाईक म्हणाले. त्यांना मार्गदर्शन करणारे अधिकारी विविध आगारांतून आले होते. कोकणातील गणेशभक्तांचा प्रवास सुखकर व्हावा म्हणून, बसस्थानक व बसथांब्यावर एसटीच्या वरिष्ठ अधिकाऱ्यांच्या देखरेखीखाली कर्मचारी अहोरात्र कार्यरत होते. मनोज कुळकर्णी  Use file vdo