अँकर -- महाराष्ट्रात विविध धार्मिक, सांस्कृतिक व सामाजिक सण-उत्सव मोठ्या प्रमाणात साजरे केले जातात. गणेशोत्सव, नवरात्रौत्सव, दहीहंडी, ईद-ए-मिलाद, मोहरम, शिवजयंती, डॉ. आंबेडकर जयंती यांसह अनेक सण-- उत्सवादरम्यान सुरक्षिततेसाठी आणि कायदा-सुव्यवस्था टिकवण्यासाठी पोलिसांची भूमिका अत्यंत महत्त्वाची असते. याच पार्श्वभूमीवर पोलिस महासंचालक रश्मी शुक्ला यांनी एक मंडळ, एक पोलिस अंमलदार ही अभिनव योजना राज्यभर राबविण्याचा निर्णय राज्यभरात 'एक मंडळ, एक पोलिस' योजना हाती घेण्यात आली आहे. प्रत्येक पोलिस ठाण्याच्या हद्दीतील सर्व मंडळांची यादी तयार करण्यात येईल. एक अंमलदार एका (किंवा २-४) मंडळांसाठी नियुक्त केला जाईल. संबंधित अंमलदार मंडळाच्या बैठकीत उपस्थित राहून आपली ओळख करून देईल. व्हॉट्सअॅप ग्रुपच्या माध्यमातून सातत्यपूर्ण संवाद राखला जाईल. स्थानिक मंडळ व पोलिस प्रशासन यांच्यात थेट संपर्क, सणांदरम्यान अडचणींचे तत्काळ निवारण, कायदा-सुव्यवस्था टिकविणे व नागरिकांच्या सुरक्षिततेची हमी, वाद, गैरसमज टाळून उत्सव शांततेत पार पाडणे आणि पोलिस-मंडळ समन्वय बळकट करून यशस्वी उत्सव साजरे करणे हा योजनेमागचा हेतू असल्याचे रश्मी शुक्ला यांनी आदेशात म्हटले आहे. अंमलदारांची जबाबदारी काय? मंडळाच्या कार्यक्रमांची माहिती संकलित करणे, परवानग्यांच्या पूर्ततेसाठी मदत करणे, मिरवणूक मार्ग, नियमांचे पालन याची खात्री करणे, ध्वनीप्रदूषण, आक्षेपार्ह गोष्टी टाळण्यासाठी दक्षता घेणे, वाहतूक पोलिस आणि स्थानिक प्रशासनाशी समन्वय साधणे, आपत्कालीन परिस्थितीत त्वरित प्रतिसाद देणे, उत्सवानंतर अहवाल सादर करणे ही पोलिस अंमलदारांचा मुख्य जबाबदारी असणार आहे. यावर वरिष्ठ पोलिस निरीक्षक नियमित बैठका घेऊन आढावा घेणार असून, उत्कृष्ट कामगिरी करणाऱ्या अंमलदारांचा गौरव करण्यात येणार असल्याचेही आदेशात नमूद केले आहे. मनोज कुळकर्णी  Use file vdo