file - 03 slug -PPR_CHADCHAN_ROBBERY Anchor - कर्नाटक राज्यातील विजय पुरा जिल्ह्यातील चडचन येथील स्टेट बँक ऑफ इंडियाच्या शाखेवर 16 सप्टेंबर रोजी पडलेल्या दरोड्यात एक कोटी रुपयांच्या आसपास सर्वप्रथम आणि वीस किलो सोने 7 ते 8 दरोडेखोरांनी लुटले याप्रकरणी अद्याप ठोस माहिती उपलब्ध झाली नसली तरी पोलिसांचा तपास योग्य दिशेने सुरू असतो याची माहिती मिळत आहे स्टेट बँक ऑफ इंडियाच्या चडचण (जि. विजापूर) येथील शाखेत मंगळवारी सायंकाळी पडलेल्या सशस्त्र दरोड्यातील काही रक्कम व सोने कर्नाटक पोलिसांच्या हाती लागल्याची माहिती मिळत आहे.दरोडेखोरांच्या मोटारीतून जप्त केलेली रक्कम व सोन्याची किंमत किती, हे स्पष्ट झाले नाही. महाराष्ट्र-कर्नाटक पोलिस या दरोड्याची सीमाभागातील गावांमधून कसून चौकशी करत आहेत. लवकरच छडा लावला जाईल, अशी ग्वाही पोलिस सूत्रांनी दिली. या दरोड्यामुळे महाराष्ट्र-कर्नाटक सीमाभागात खळबळ उडाली आहे. लष्करी गणवेशातील दरोडेखोरांनी अवघ्या वीस मिनिटांत कोट्यवधीचे सोने व रोख रक्कम लुटली. महाराष्ट्र कर्नाटक सीमा भागातील मंगळवेढा तालुक्यातील हुलजंती गावजवळ दरोडेखोरांनी वापरलेली मोटार मिळून आली होती. तेथील सीमाभागातील गावांमध्ये पोलिस कसून चौकशी करत आहेत. बँक लुटल्यानंतर दरोडेखोरांनी एका गाडीतून ( KA 24 DA 2456 ) चडचण येथून हुलजंती गावाकडे पलायन केले. त्यांच्या गाडीने रस्त्यावरील काही दुचाकींनाही धडक दिली. हुलजंती येथे त्यांनी रस्ता बदलण्याचा प्रयत्न केला, मात्र गावभागातील रस्ता बंद असल्याने त्यांना गाडी थांबवावी लागली. गावकऱ्यांनी पाठलाग करताच दरोडेखोरांनी काही सोने आणि रोकड घेऊन पायीच पळ काढला. ग्रामस्थांनी त्यांचा पाठलाग करण्याचा प्रयत्न केला असता, चोरट्यांनी बंदुकीचा धाक दाखवून अंधाराचा फायदा घेऊन पलायन केले होते. दरम्यान, काही नागरिकांनी पोलिसांना तत्काळ याची माहिती दिली होती. यानंतर कर्नाटक महाराष्ट्र पोलिस पथक हुलजंती जवळ सोडलेल्या गाडी परिसरात दाखल झाले होते.पोलिसांनी संशयस्पद मोटारीचा पंचनामा केला. मोटारीत काही सोने, रोख रक्कम, डीव्हीआर मिळून आले. पोलिसांनी सर्व मुद्देमाल ताब्यात घेतला. दरोडेखोरांच्या शोधासाठी कर्नाटक व महाराष्ट्र पोलिसांनी संयुक्त पथके तैनात केली आहेत