यवतमाळच्या वणी विधानसभा क्षेत्राचे माजी आमदार विश्वास नांडेकर यांचे निधन झाले आहे. त्यांच्यावर गेल्या एक महिन्यांपासून मुंबई येथील लीलावती हॉस्पिटलमध्ये उपचार सुरु होता. उपचारादरम्यान त्यांची प्राणज्योत मालवली. नांडेकर हे आक्रमक शिवसैनिक म्हणून परिचित होते. जिल्हा परिषद सदस्य ते आमदार असा त्यांचा प्रवास होता, सध्या ते चंद्रपूर यवतमाळ लोकसभा समन्वयक झालेले होते. दोन महिन्यांपूर्वी त्यांच्या गुडघ्यावर शस्त्रक्रिया करण्यात आली होती. मात्र त्यानंतर त्यांची प्रकृती खालवली, विश्वास नांडेकर यांच्या निधनाची वार्ता वणीत पोहोचताच राजकीय, सामाजिक क्षेत्रातून सहवेदना व्यक्त होत आहे. वणी येथे त्यांच्यावर अंत्यसंस्कार केले जाणार आहे.