स्थानिक स्वराज्य संस्थांच्या निवडणुकांच्या तोंडावर मोहिते पाटील यांच्या ताब्यातील तीन सहकारी संस्था मधील आर्थिक घोटाळ्याची चौकशी करणाऱ्याचे सहकार आणि पणन प्रधान सचिवांना मुख्यमंत्र्यांचे निर्देश माळशिरस तालुक्यातील भाजप मंडल उपाध्यक्ष हरी पालवे यांनी मुख्यमंत्री देवेंद्र फडणवीस यांची भेट घेऊन जयसिंह मोहिते पाटील चेअरमन असलेल्या सुमित्रा पतसंस्थेतील आर्थिक घोटाळ्याची प्रकरणे दाखवून त्याची चौकशी करण्याची मागणी केली आहे.याबात मुख्यमंत्र्यांनी सहकार विभागाच्या प्रधान सचिवांना तात्काळ चौकशी करण्याचे आदेश दिलेआहेत. तसेच शंकर सहकारी साखर कारखान्यातील ऊस उत्पादक शेतकरी सामान्य कर्मचाऱ्यांवर झालेल्या अन्यायाच्या चौकशीचे मागणी सुद्धा केली आहे. अकलूज कृषी उत्पन्न बाजार समितीच्या घोटाळ्याच्या चौकशीची मागणीही पालवे यांनी केली आहे. मुख्यमंत्र्यांनी सहकार आणि पणन सचिवांना याबाबत कारवाई करण्याचे निर्देश दिल्याने आणि स्थानिक स्वराज्य संस्थांच्या निवडणुकांच्या पार्श्वभूम्यावर मोहिते पाटलांच्या अडचणीत वाढ होणार आहे.