अँकर - राष्ट्रवादी शरद पवार गटाच्या विरोधात सांगलीमध्ये भाजपाची आज ऑनलाईन इशारा सभा पार पडत आहे. भाजपाचे उच्च व तंत्र शिक्षण मंत्री चंद्रकांत पाटील व आमदार गोपीचंद पडळकरांच्या प्रमुख उपस्थितीमध्ये ही ऑनलाईन सभा पार पडत आहे. राजमती भवन येथे ही ऑनलाइन इशारा सभेचे आयोजन करण्यात आलं असून या ऑनलाइन सभेच्या माध्यमातून राष्ट्रवादी शरद पवार गटाच्या कडून काढण्यात आलेल्या महाराष्ट्र संस्कृती बचाव मोर्चाला प्रत्युत्तर देण्यात येणार आहे. या ऑनलाइन सभेमध्ये भाजपाचे प्रदेशाध्यक्ष रवींद्र चव्हाण, महसूल मंत्री चंद्रशेखर बावनकुळे, सांस्कृतिक मंत्री आशिष शेलार यांच्यासह भाजपाचे आमदार, पदाधिकारी देखील सहभागी होणार आहेत. त्यामुळे राष्ट्रवादी शरद पवार गटावर भाजपा कशा पद्धतीने आगपाखड करणार याकडे सगळ्यांचं लक्ष लागलंय.