अगामी पिंपरी-चिंचवड महापालिका निवडणुकीसाठी शहर भारतीय जनता पार्टी ॲक्शन मोडमध्ये असल्याचे दिसून येत आहे. उच्च व तंत्रज्ञान मंत्री चंद्रकांत पाटील यांच्या उपस्थितीमध्ये पिंपरी चिंचवड मध्ये भाजपची बैठक पार पडली. या बैठकीत चंद्रकांत पाटील यांनी महापालिका निवडणुकांसाठी आचारसंहिता येत्या 20 ते 22 डिसेंबरला लागेल असा दावा केलाय. दरम्यान निवडणुकांमध्ये स्थानिक नेतृत्वाला सातत्याने तडजोड करावी लागते. यामुळेच स्थानिक स्वराज्य संस्थांच्या निवडणुकीत स्थानिक कार्यकर्त्यांना स्वातंत्र्य द्यावे लागते. आताही नुकताच पार पडलेल्या नगरपरिषदेच्या निवडणुकीत 70 टक्के ठिकाणी युती झाली. 30 टक्के ठिकाणी अडचणी आल्या होत्या. तर आगामी महापालिका निवडणुकीही महायुती म्हणूनच आमचा लढण्याचा प्रयत्न राहील. पण युती झालीच नाही, तर मित्र पक्षांवर टीका करायची नाही, असे आदेश मुख्यमंत्री देवेंद्र फडणवीस दिल्याची माहिती चंद्रकांत पाटील यांनी दिली आहे.