भोंदू अशोक खरात प्रकरणात आर्थिक गैरव्यवहाराचा तपास अधिक गडद होत असून खरातचे आर्थिक व्यवहार हाताळणाऱ्या एका चार्टर्ड अकाउंटंटसह (सीए) दोघांना चौकशीसाठी बोलावण्यात आले आहे. खरातच्या सर्व आर्थिक व्यवहारांची सूत्रे संबंधित सीएच्या हाती होती. त्यामुळे या प्रकरणातील महत्त्वाची माहिती त्यांच्याकडून मिळण्याची शक्यता वर्तवली जात आहे. तपास पथक (एसआयटी) लवकरच या सीएकडून संपूर्ण आर्थिक तपशील घेण्याच्या तयारीत आहे. शिवनिका ट्रस्टच्या व्यवहारांवर विशेष लक्ष ठेवण्यात आले आहे. 2018 मध्ये अवघी चार लाखांची उलाढाल असलेल्या या ट्रस्टने 2024 पर्यंत कोटींची झेप घेतल्याने संशय अधिक गडद झाला आहे.