नागपूर - स्मशानभूमीतून दोन पार्थिवांची 'राख आणि अस्थी' झाल्या गायब, नागपूर जिल्ह्यातील उमरेड तालुक्यातील धक्कादायक प्रकार - जादूटोणा आणि मंत्र तंत्रांचा संशय - दोन वेगवेगळ्या कुटुंबातील मृतांच्या पार्थिवावर सोमवारी अंत्यसंस्कार करण्यात आले होते - मंगळवारी सकाळच्या sुमारास कुटुंबीय धार्मिक विधीसाठी राख आणि अस्थी गोळा करण्यासाठी स्मशानभूमी परिसरात पोहोचल्यावर दोन्ही पार्थिवांची राख आणि अस्थी गायब असल्याचे समोर आले - राख आणि अस्थी गायब झालेल्या पार्थिवांमध्ये एका 23 वर्षीय तरुणी आणि 48 वर्षीय मृत पुरुषाचा समावेश आहे - उमरेड येथील शेतकरी कुटुंबातील 23 वर्षीय साक्षी पाटीलचा हृदयविकाराने मृत्यू झाला होता तर नरेश सलोटे या 48 वर्षे मजुराचा आजारपणाने मृत्यू झाला होता - दोन्ही पार्थिवाचे राखेतून उरलेल्या हाडांचे एकही अवशेष स्मशानभूमीवर सापडले नाही - 5 नोव्हेंबर हा कार्तिक पौर्णिमेचा दिवस आहे त्रिपुरारी पौर्णिमा या पार्श्वभूमीवर पार्थिवांची राख आणि अस्थि गायब करण्यात आली असा अंदाज वर्तवला जात आहे - या सर्व प्रकारामागे तांत्रिकांची गॅंग असावी असाही संशय व्यक्त केला जात आहे - महाराष्ट्र नरबळी आणि इतर अमानुष अनिष्ठ व अघोरी प्रथा आणि जादूटोणा प्रतिबंध कायद्यान्वये उमरेड पोलीस ठाण्यात गुन्हा दाखल करण्यात आला आहे