अखिल भारतीय मराठी नाट्य परिषदेच्या कोल्हापूर शाखेच्या वतीने देण्यात येणारा संगीत सूर्य केशवराव भोसले स्मृती पुरस्कार यावर्षी ज्येष्ठ अभिनेते पद्मश्री अशोक सराफ यांना जाहीर करण्यात आला. या पुरस्काराचे वितरण सोहळा कोल्हापुरातील देवल क्लब मध्ये संपन्न होणार आहे. उद्योगमंत्री उदय सामंत यांच्या हस्ते या पुरस्काराचं वितरण केले जाणार आहे. शाल, श्रीफळ, मानपत्र आणि 51 हजार रुपये रोख असे या पुरस्काराचे स्वरूप आहे. नाट्य परिषदेच्या वतीने केशवराव भोसले यांच्या जयंतीच्या निमित्ताने संगीत सूर्य केशवराव भोसले स्मृती पुरस्कार दिला जातो.