कोल्हापूर -पुणे हायवेवर कांद्याने भरलेला ट्रक पलटी कोल्हापूरकडे येणारी वाहतूक ठप्प उजळाईवाडी महामार्ग पोलिसांकडून कांद्याची पोती बाजूला करून वाहतूक सुरू करण्यासाठी प्रयत्न हातकणंगले तालुक्यातील घुणकी येथील घटना रस्ते विकास महामंडळाच्या भोंगळ कारभारामुळे घुणकीजवळ रस्त्याचे काम रखडल्याने होत आहेत अपघात पुण्याहून आलेला कांद्याने भरलेला ट्रक कोल्हापूर जिल्ह्यातल्या हातकणंगले तालुक्यातील घुणकी नजीक ओढ्याच्या पुलाजवळ रस्त्यावरच पलटी झाल्याची घटना आज सकाळी घडली. ट्रक पलटी झाल्याने मोठ्या प्रमाणात कांदा रस्त्यावर विखुरला गेला असून पुण्याकडून कोल्हापूरकडे येणारी वाहतूक पूर्णपणे ठप्प झाली आहे. परिणामी सांगली तांदुळवाडी पर्यंत वाहनांच्या लांबच लांब रांगा लागल्या आहेत. दरम्यान उजळवाडी महामार्ग पोलिसांकडून कांद्याची पोती बाजूला करण्याचे काम सुरू असून वाहतूक पूर्ववत करण्यासाठी प्रयत्न सुरू केलेत. तसंच रस्ते विकास महामंडळाच्या रखडलेल्या कामामुळे याच ठिकाणी सातत्याने अपघात होत असल्याचं समोर आले.