आमरावती में कांग्रेस का 101 फुट गुढीपाडवा उत्सव, विरोध पोस्टर चर्चा में

अमरावतीत काँग्रेस कडून गुढीपाडवा महोत्सवाचे आयोजन; सिलेंडर झाला आडवा कसा करू गुढीपाडवा असे म्हणत काँग्रेस कडून अनोखा निषेध अमरावती शहरातील राजकमल चौकात आज काँग्रेस पक्षाकडून गुढीपाडवा महोत्सवाचे आयोजन करण्यात आले होते. यावेळी 101 फुटाची गुढी उभारून या गुढीपाडवा महोत्सव साजरा करण्यात आला. काँग्रेसच्या नेत्या माजी मंत्री यशोमती ठाकूर यांनी विधीवध गुढीची पूजा करून सर्वांना पाडव्याच्या शुभेच्छा दिल्या तर यावेळी महिला काँग्रेसच्या वतीने शहरातून टू व्हीलर रॅली सुद्धा काढण्यात आली होती. आखाती देशातील युद्धाच्या परिणाम नंतर देशात सिलेंडरचा मोठ्या प्रमाणात तुटवडा जाणवत असतानाही सिलेंडर झाला आडवा कसा करू गुढीपाडवा? अशा प्रकारचे प्रतीकात्मक पोस्टर लावून यावेळी काँग्रेसच्या वतीने सरकारचा निषेध सुद्धा करण्यात आला. जनतेची भावना आहे की सिलेंडर झाला आडवा आणि कसा करू गुढीपाडवा? या सगळ्या गोष्टी सत्ताधाऱ्यांनी विचार करण्यासारखे आहे. जे सत्तेमध्ये आहे त्यांनी जो कळवटपणा पसरवलेला आहे तो कळवटपणा सत्याधराच्या मनातला व जनतेच्या आयुष्यातून कमी होवो, व त्यांच्या मनात थोडा तरी गोडवा यावा, सोबतच आमच्या आयुष्यातील कळवटपणा दूर होऊन गोडवा यावा अशी प्रतिक्रिया माजी मंत्री काँग्रेस नेते यशोमती ठाकूर यांनी दिली