पंचायत समिती आणि नगरपंचायती निवडणुकीसाठी अर्ज भरण्याचा आज पहिला दिवस.. आज पहिल्याच दिवशी कोल्हापूर जिल्ह्यात वेगळं राजकीय समीकरण पाहायला मिळालं आहे. चंदगड नगरपंचायतीसाठी दोन्ही राष्ट्रवादी एकत्र आल्याचा चित्र पाहायला मिळालं. वैद्यकीय शिक्षण मंत्री हसन मुश्रीफ यांच्या मध्यस्थीने राष्ट्रवादीचे माजी आमदार राजेश पाटील आणि शरचंद्र पवार राष्ट्रवादी पक्षाच्या नंदाताई बाभुळकर एकत्रित निवडणूक लढवणार असल्याचा जाहीर केलय. इतकच नाही तर भाजप विरोधी सर्व पक्षांची एकत्रित मोठ बांधण्याचा निर्णय देखील करण्यात आला. काँग्रेसने देखील चंदगड मध्ये भाजप विरोधात तयार होणाऱ्या चंदगड विकास आघाडीच्या माध्यमातून निवडणूक लढवावी अस आवाहन देखील माजी आमदार राजेश पाटील यांनी केले आहे.. यावेळी हसन मुश्रीफ राष्ट्रवादीला सोडून कोणी निवडणूक लढवत असेल तर आम्हाला आघाडी करण्याशिवाय पर्याय नाही असं स्पष्ट केलं. चंदगड विधानसभा मतदारसंघात विद्यमान आमदार शिवाजी पाटील हे अपक्ष निवडून आलेत. त्यांनी भाजपला पाठिंबा दिला आहे. पण राष्ट्रवादी सोबत जुळवून घेण्याची मानसिकता दिसत नाही, त्यामुळेच राष्ट्रवादीने भाजप वगळता सगळ्यांची एकत्रित मोट बांधली आहे.