जालना : शिवसेना आमदार अर्जुन खोतकरांनी घेतली धनगर आंदोलकांची भेट,पाठपुरावा करण्याचं दिलं आश्वासन धनगर समाजाच्या एसटी आरक्षणाच्या अंमलबजावणीच्या मागणीसाठी धनगर आंदोलक दिपक बोऱ्हाडे यांच्या नेतृत्वाखाली मुंबईमध्ये उपोषण सुरू करण्यात आलं आहे. या उपोषण स्थळी अर्जुनराव खोतikar यांनी भेट देऊन आंदोलनकर्त्यांशी संवाद साधला. यावेळी त्यांनी धनगर समाजाच्या प्रतिनिधींशी चर्चा करत त्यांच्या मागण्या सविस्तर जाणून घेतल्या. धनगर समाजाची एसटी आरक्षणाची अंमलबजावणी तातडीने करावी , या प्रमुख मागणीसाठी हे उपोषण सुरू असल्याचे दिपक बोऱ्हाडे यांनी सांगितले. अनेक वर्षांपासून ही मागणी प्रलंबित असल्याने समाजात तीव्र नाराजी असल्याचेही त्यांनी नमूद केले. यावेळी आमदार अर्जुनराव खोतकर यांनी आंदोलनकर्त्यांना धनगर समाजाच्या न्याय्य मागण्या सरकारपर्यंत पोहोचवून त्याबद्दल योग्य पाठपुरावा करण्यात येईल. तसेच समाजाच्या भावना शासन दरबारी मांडून सकारात्मक तोडगा काढण्यासाठी प्रयत्न केले जातील असं आश्वासन दिलं.